Tyfu i Garu…

Ry’n ni eisiau i blant garu llysiau. Un o’r ffyrdd gorau i ddatblygu y cariad yna yw trwy dyfu eich hunan. Mae Veg Power wedi gweithio’n ofalus gyda’n partneriaid i ddatblygu ffordd creadigol ac atyniadol i blant dyfu i garu…llysiau.

Watch our video

Tyfu i Garu…

Pam tyfu?

Mae tyfu llysiau yn annog plant i drio bwyd mae nhw’n cynhyrchu, yn datblygu dealltwriaeth o’r gadwyn fwyd a chynaliadwyaeth, ac yn annog dysgu ymarferol wedi ei sefydlu ar y maes llafur.

Mae Tyfu i Garu, prosiect wedi datblygu gan wyddonwyr ymddygiad, athrawon a botanegwyr ac yn cynnwys Shaun the Sheep, yn dangos plant yr hwyl sydd i gael wrth dyfu a blasu eu cynnyrch eu hunan.

Mae cofrestru wedi cau ar gyfer 2025, bydd dros 30,000 o blant yn tyfu eu tomatos eu hunan eleni.

Adnoddau i ysgolion

Rydyn ni’n darparu pecynnau cyflawn barod i’w defnyddio i athrawon prysur, wedi eu dosbarthu mewn un bocs yn sicrhau rhaglen tyfu tomatos hwyl ac effeithiol. Mae pecynnau yn cynnwys hadau, compost, bwyd planhigion a phopeth sydd ei angen ar gyfer profiad llwyddiannus yn yr ystafell ddosbarth. Gallwch hau’r hadau yn Ebrill gan ddilyn y canllaw i athrawon.

Cwestiynau a ofynnir yn aml

Ydy hwn yn addas i blant o bob oedran?

Mae’r rhaglen wedi ei ddylunio yn bennaf ar gyfer plant CA1 a CA2 ar hyn o bryd.

Ydy’r rhaglen yma yn cydfynd gyda’r maes llafur?

Ydy, mae ein gwaith i gyd yn cael ei gefnogi gan ein tîm mewnol a’n cynghorwyr arbenigol ac er nad yw wedi ei fwriadu i gyflwyno’r maes llafur ysgol mae’r rhaglen wedi ei greu gydag athrawon i gydfynd gyda’r maes llafur.

Pryd fyddwn ni’n gweld tomatos?

Bydd tomatos mwy na thebyg yn ymddangos o fis Gorffennaf ymlaen. Bydd hyn yn dibynnu ar pryd bydd yr hadau yn cael eu hau a’r tywydd.

Faint bydd hyn yn cymryd?

Mae’r ymgyrch gyfan yn rhedeg o Ebrill i fis Medi / Hydref yn dibynnu ar pryd mae’r tomatos yn barod i’w pigo. Bydd rhan gyntaf yr ymgyrch yn digwydd yn yr ysgol. Bydd y planhigion wedyn yn cael eu cymryd adref ar gyfer gwyliau’r haf.

Beth os nad oes lle gyda ni tu fas?

Mae’r hadau tomato wedi eu dewis fel eu bod yn gallu tyfu ar silff ffenest.

Beth mae pobl yn dweud…

Yn 2024 fe wnaeth dros 20,000 o blant mewn ysgolion ar draws y DU dyfu eu tomatos eu hunan o hadau i ffrwyth. Fe wnaeth enwogion ymuno â nhw yn cynnwys y Cyflwynydd Teledu Sam Nixon, garddwr Blue Peter Chris Collins a Shaun the Sheep.

Dyma beth wnaeth ein arolwg athrawon a gymrodd ran ddweud…

Mae hwn wedi bod yn brofiad tyfu gwych. Mae’r plant wedi mwynhau magu’r planhigion ac rydyn ni wedi cael cystadleuaeth yn yr ysgol sydd wedi bod yn boblogaidd.

Mae’r pecynnau tomato yn hawdd eu defnyddio ac mae’r plant yn dwli ar y llyfrynau sydd yn dod gyda’r pecynnau tyfu. Mae’r nodiadau athrawon yn hawdd eu defnyddio, hyd yn oed i rai sydd ddim yn garddio!

Mae’r plant yn mwynhau gwylio’r hadau yn tyfu. Fe wnaethon ni ddefnyddio yr adnoddau i ddysgu sut i dyfu planhigion a gwylio’r fideos i ddangos i ni sut i ofalu amdanyn nhw.

Dwi’n dwli ar y rhaglen gan ei fod yn hawdd ei ddefnhyddio ac mae popeth yn cael ei ddarparu i’r plant eu defnyddio. Mae’n syniad gwych i gael y plant i ddysgu sut i dyfu pethau.

Roedden ni wrth ein bodd gyda safon yr adnoddau. Roedd popeth yn cael ei gynnwys, yn cynnwys mathau gwahanol o bridd i weld y planhigion trwy’r adegau gwahanol o dyfu. Labeli, hadau, tai gwydr bach ayyb.

Hollol wych. Roedd y plant yn caru popeth o’r plannu i gwblhau’r siartiau sticeri! Adnoddau arbennig! Diolch yn fawr,

Diolch am y cyfle gwych i’n plant ni. Ry’n ni’n edrych ymlaen at gymryd rhan blwyddyn nesaf eto. Diolch eto!

Roedd y prosiect i gyd yn ddefnyddiol iawn ac yn rhoi profiad ymarferol i’r plant dyfu pethau o hadau bach iawn i fod yn blanhigion, a gallu pigo tomatos i’w bwyta ar y diwedd.